Þessir gamalkunnu teiknimyndaþættir eftir Albert Barillé eru í senn skemmtilegir og lærdómsríkir. Þeir hafa frætt okkur um mannkynssöguna, alheiminn, mannslíkamann og Ameríku. Með fræðandi og áhugaverðri frásögn hafa þessir þættir verið börnum jafnt sem fullorðnum til gagns og gamans ásamt því að sitja lengi í minnum þeirra sem þá hafa séð. Við fylgjumst með vinum okkar kanna alheiminn og allt sem hann býður upp á. Þau fara í könnunarleiðangur út í geim og rannsaka plánetur, vistkerfið, nýja orkugjafa og margt fleira.